नेप्सेमा दोहोरो अंकको गिरावट, कारोबार रकम २ अर्ब ५७ करोड

काठमाडौँ । बुधबार पनि सेयर बजारको परिसूचक ओरालो लागेको छ । १९.६५ अंकले घटेर नेप्से परिसूचक २६३१ अंकमा कायम भएको छ । त्यस्तै कारोबार रकममा पनि कमी आएको छ । मंगलबार ३ अर्ब ३६ करोड रुपैयाँको कारोबार भएकोमा बुधबार २ अर्ब ५७ करोडमा खुम्चिएको छ । 

होटल तथा पर्यटन ६६ र निर्जीवन बीमा उपसमूह ७७ अंक बढे । बैंकिङ ११, ब्यापार ३६, विकास बैंक ६०, जलविद्युत ३३, फाइनान्स २९, उत्पादन ४४, अन्य ५७, माइक्रोफाइनान्स ९ र जीवन बीमा उपसमूह ५७ अंकले घटे । इमर्जिङ नेपालको मूल्य सबैभन्दा धेरै १० प्रतिशतले बढ्यो । मैलुङखोलाको मूल्य ६ तथा सोल्टी होटलको ४ प्रतिशत बढ्यो ।

नेपाल टेलिकम, गरिमा विकास बैंक, अपी पावर, नेपाल लाइफ इन्स्योरेन्स र हिमालयन डिस्टिलरी कारोबार रकमका आधारमा क्रमशस् अगाडि रहे । युनाइटेड इदी मर्दीको मूल्य ४.९ तथा टेलिकमको ३.५ प्रतिशत घट्यो ।