राष्ट्रपतिलाई महाअभियोग लगाएर बिदा गरौं : गगन थापा

काठमाडौं । नेपाली कांग्रेसका युवा नेता गगन थापाले राष्ट्रपतिलाई महाअभियोग लगाएर बिदा गर्नुपर्ने बताएका छन्  । 

थापाले समाजिक संजाल मार्फत भने, 'विश्वासको मत लिन मन नलागे प्रमले राजिनामा गर्ने अनि राष्ट्रपतिले प्रकृया शुरु गर्ने हो नेतागण,के राष्ट्रपति र प्रमले थाहा नपाएर यो गरेको हो?जानेर गरेको हो। गनगन गरेर नबसौं। सुझबुझ पुर्याउँ र यिनले दिएको समय अगावै नयाँ सरकार बनाएर ओलिलाई बिदा गरौं,महाअभियोग लगाएर रापलाई बिदा गरौं।'

राष्ट्रपति विद्यादेवी भण्डारीले संविधानको धारा ७६ उपधारा ५ अनुसार प्रधानमन्त्री पदमा दाबी गर्नका लागि प्रतिनिधिसभा सदस्यलाई जेठ ७ गते साँझ ५ बजेसम्मको समय दिएकि थिइन । 

विपक्षी दलहरुले प्रधानमन्त्री र राष्ट्रपति मिलेर फेरी संसद विघटन गरेर मध्यावधि निर्वाचनको घोषणा गर्न खोजेको आशंका गरेका छन् ।