धनगढी पुगे गगन

धनगढी । नेपाली कांग्रेसका सभापति गगन थापा आज पार्टीको कार्यक्रममा सहभागी हुन धनगढी आइपुगेका छन् ।

उनलाई स्वागत गर्न विमानस्थल पुगेका मुख्यमन्त्री कमल बहादुर शाह विमानस्थल भित्र छिरेका छन् ।

पार्टी सभापतिलाईै स्वागत गर्न विमानस्थल पुगेका सुदूरपश्चिम प्रदेश सरकारका सामाजिक विकास मन्त्री मेघराज खड्का, आर्थिक मामिला मन्त्री बदादुर थापा, वन मन्त्री शिबराज भट्ट र अर्थ राज्यमन्त्री प्रकाश बम भने गेटमै रोकिएका छन् । यसअघि धावनमार्ग नजिक पुगेर नेताहरूको स्वागत हुने गरेको थियो । यसपटक मुख्यमन्त्रीबाहेकलाई गेटमै रोकिएको छ ।

नेपाली कांग्रेसले आज सुदूरपश्चिम प्रदेशमा ‘प्रदेश र स्थानीय तह केन्द्रित प्रदेशस्तरीय भेला’को आयोजना गरेको छ । नीति अनुसन्धान तथा प्रशिक्षण प्रतिष्ठानद्वारा आयोजना हुने भेलामा सभापति गगनकुमार थापाले सम्बोधन गर्दैछन् ।