ओलीले जवाफ दिएनन,सामुहिक राजिनामा दिनुको विकल्प छैन : माधव नेपाल पक्षिय सांसद

काठमाडौं । प्रधानमन्त्री एवं पार्टी अध्यक्ष केपी शर्मा ओलीलाई दिएको समयसिमा सकिएलगत्तै माधव नेपाल पक्षका नेताहरुले अब नकुर्ने बताएका छन् । उनीहरुले अध्यक्ष ओलीकै लागि कुरेपनि कुनै जवाफ नआएपछि अब सामुहिक राजिनामाको विकल्प नभएको बताएका छन् । 

नेपाल पक्षिय सांसद मेटमणि चौधरीले भने– ‘अव हामी कुर्दैनौ । सामुहिक राजीनामाको अन्तिम विकल्पमा जान बाध्य भयौँ’, ‘ओली पार्टी एकताको विरुद्धमा छन् भन्ने कुरा पुष्टि भयो ।’

नेपाल समुहका सांसदहरु अहिले सिंहदरबारमा भेला हुँदैछन् । भेला भएपछि सामुहिक राजीनामा दिने तयारी गरेको श्रोतको भनाई छ ।