भरतपुर महानगरको अति आवश्यक बाहेकका सबै सेवा बैशाख मसान्त सम्म बन्द

महानगरमा कार्यरत केही कर्मचारी पनि संक्रमित

सफल खबर संवाददाता

शुक्रबार, २४ बैशाख २०७८, १० : २५
भरतपुर महानगरको अति आवश्यक बाहेकका सबै सेवा बैशाख मसान्त सम्म बन्द

चितवन । भरतपुर महानगरपालिकाले अत्यावश्क बाहेकका सबै सेवा बैशाख मसान्त सम्मलाई बन्द गरेको छ । महानगरले शुक्रबार एक सूचना जारी गर्दै अति आवश्यक सेवा (दमकल, सरसफाई, स्वास्थ्य, विपद सम्बन्धी सेवा बाहेक)  अन्य सबै सेवा बन्द गरेको जनाएको छ । 

महानगरको विज्ञप्तीमा भनिएको छ–कोभिड १९ को संक्रमण भरतपुर महानगरपालिका क्षेत्रभित्र पनि तिव्र रुपमा फैलिरहेको साथै कार्यालयमा कार्यरत केही कर्मचारी पनि संक्रमित भएको हुँदा कार्यालयले प्रदान गर्दै आएको आवश्यक सेवा बाहेकका सम्पुर्ण सेवाहरु बैशाख मसान्त सम्मलाई बन्द गरिएको छ । 

यही बैशाख २३ गते बसेको नगर कार्यपालिको बैठकले कोरोना महामारीलाई ध्यान दिदैं बैशाख मसान्त सम्मलाई कार्यालय बन्द गर्ने निर्णय गरेको जनाएको छ । 
 

प्रतिक्रिया दिनुहोस