काठमाडौं । सुरक्षाको स्थिति देखाउँदै बालुवाटारमा बसेको नेकपाको सचिवालय बैठक केहीबेरअघि सकिएको छ । शीर्ष तहमा देखिएको विवादका विषयमा छलफल गर्न बसेको सत्तारुढ नेपाल कम्युनिष्ट पार्टी सचिवालय बैठकले आज कुनै ठोस निष्कर्ष दिएको छैन ।
नेताहरुले अध्यक्षद्वय केपी शर्मा ओली र पुष्पकमल दाहाल प्रचण्डले पेस गरेका प्रस्तावमाथि आफ्ना धारणा राखेका थिए । धारणा राख्दाराख्दै तीन घण्टा बित्यो र बैठक सकिएको जानकारी गराइयो ।
यसअघि यही मङ्सिर १३ गतेको बैठकमा प्रधानमन्त्री एवं अध्यक्ष केपी शर्मा ओलीले प्रस्तुत गरेको लिखित जवाफ र त्यसअघि गत कात्तिक २८ गतेको बैठकमा अर्का अध्यक्ष पुष्पकमल दाहाल प्रचण्डले प्रस्तुत लिखित पत्रका सम्बन्धमा छलफल भएको सचिवालयका एक सदस्यले जानकारी दिए ।
दुवै अध्यक्षका प्रस्तावलाई साझा बनाएर यही मङ्सिर १८ गते हुने स्थायी कमिटी र यही २५ गते हुने केन्द्रीय कमिटीको बैठकमा लाने वा अलगअलगरुपमा लाने भन्नेबारेमा नेताहरुबीच छलफल भए पनि ठोस निष्कर्ष आउन सकेन । बैठकको शुरुमा महासचिव एवं अर्थमन्त्री विष्णुप्रसाद पौडेललाई ६२ औँ जन्मोत्सवमा केक काटिएको थियो । नेता बामदेव गौतमले पौडेललाई एक सय वर्ष बाच्नूस् भनेर शुभकामना दिएका थिए ।
अर्को बैठक बुधबार एक बजे बस्ने निर्णय भएको प्रवक्ता नारायणकाजी श्रेष्ठले जानकारी दिए ।
प्रतिक्रिया दिनुहोस
सफल खबर संवाददाता
मंगलबार, १६ मंसिर २०७७, १६ : ३८
लेखकबाट थप
सम्बन्धित समाचारहरु
एकीकृत समाजवादीले बोलायो सचिवालय बैठक
एमालेले बोलायो सचिवालय बैठक
नेकपा एसको सचिवालय बैठक सुरु
एमालेले बोलायो सचिवालय बैठक
जनमत पार्टीको सचिवालय बैठक जारी
एकीकृत समाजादीको सचिवालय बैठक सुरु