नेपाल प्रहरीमा एकजना एआईजी र पाँच जना डीआईजी थप

काठमाडौं । नेपाल प्रहरीमा एकजना प्रहरी अतिरिक्त महानिरीक्षक ९एआईजी० र पाँच जना प्रहरी नायब महानिरीक्षक (डीआईजी) को दरबन्दी थप भएको छ ।

गृृह मन्त्रालयले पाँच वटा डीआईजीको दरबन्दी थप्नुपर्ने राय दिँदै स्वीकृतिका लागि संगठनात्मक स्वरुप निर्धारण ९ओएण्डएम० मन्त्रिपरिषद्मा पठाएको थियो । तर, सरकारले एआईजीको दरबन्दीसमेत थप गरेर स्वीकृत गरेको हो । अघिल्लो मन्त्रिपरिषद बैठकले प्रहरीको ओएन्डएम स्वीकृत गरेको गृह स्रोतले बतायो । 

गृह स्रोतका अनुसार ओएन्डएम मन्त्रिपरिषदबाट स्वीकृत भएको जानकारी बुधबार प्राप्त भएको छ । अब कार्यान्वयनको चरणमा जाने बताइएको छ ।

नयाँ दरबन्दी थप भएसँगै अब नेपाल प्रहरीमा प्राविधिक बाहेक ४ एआईजी रहने छन् भने डीआईजीको संख्या जनपदतर्फ नै १९ पुगेको छ।