काठमाडौँ । १२ दिनको तिक्ततापछि शनिबार प्रधानमन्त्री केपी शर्मा ओली र अर्का अध्यक्ष पुष्पकमल दाहाल प्रचण्डबीच भेटवार्ता भएको छ । करिब दुई घन्टा लामो छलफलमा नेकपा अध्यक्ष पुष्पकमल दाहालले अर्का अध्यक्ष एवम् प्रधानमन्त्री केपी शर्मा ओलीलाई पार्टीको सचिवालय बैठक बोलाउन माग गरेका थिए ।
१२ दिनपछि भेटघाटका लागि शनिबार बालुवाटार पुगेका अध्यक्ष दाहालले ओलीसँग पछिल्लो दिनमा घटेका राजनीतिक घटनाक्रमबारे धारणा राखेका थिए। त्यसक्रममा दाहालले प्रधानमन्त्री ओलीसँग थप कुराकानी नगरी पार्टीको सचिवालय बैठक बोलाउन र त्यही सबै विषयमा छलफल गर्ने बताएका थिए ।
दाहालले कर्णाली सरकारमाथि गएको अविश्वास प्रस्ताव, रअ प्रमुखसँग सुटुक्क भेटघाट गरेको प्रसंग, पर्सा घटना र कोभिड १९ बारे धारणा राखेका थिए। अध्यक्ष दाहालले प्रधानमन्त्री ओलीसमक्ष धेरै गुनासो गरेका तर प्रधानमन्त्री ओलीले त्यसको कुनै जवाफ नदिएका दाहाल निकट एक नेताले बताए ।
पछिल्ला राजनीतिक घटनापछि दाहाल ओली भेटघाट नै बन्द भएको थियो। संवादहीनताको उक्त अवस्था भने शनिबारको भेटले अन्त्य गरिदिएको छ। अध्यक्ष प्रचण्ड नेकपाका वरिष्ठ नेता माधवकुमार नेपालसँग भेटघाट गरी वालुवाटार पुगेका हुन् । प्रधानमन्त्री ओली एकलौटी ढंगले अगाडि बढेको भन्दै प्रचण्डले आफू बालुवाटार नजाने बरु पार्टी बैठकमै सबै समस्या हल गर्ने गरी छलफल गर्ने बताइरहेका थिए ।
दुई अध्यक्षबीचको संवादहीनता तोड्नका लागि प्रधानमन्त्री ओली निकटका नेताहरू दिनहुँजसो खुमलटार पुगेका थिए। बुधबार प्रचण्डलाई भेट्न अर्थमन्त्री एवम् पार्टी महासचिव विष्णु पौडैल, संसदीय दलका उपनेता सुवास नेम्वाङ खुमलटार पुगेका थिए। बिहीबार लुम्बिनी प्रदेशका मुख्यमन्त्री शंकर पोखरेल र शुक्रबार परराष्ट्र मन्त्री प्रदीप ज्ञवालीसमेत अध्यक्ष प्रचण्डलाई भेट्न खुमलटार पुगेका थिए। खुमलटार पुगेका सबैजसो ओलीनिकट नेताहरूले दुई अध्यक्ष मिल्नुको विकल्प नरहेको सुझाव दिएपछि अध्यक्ष प्रचण्ड बालुवाटार पुगेका थिए ।
प्रतिक्रिया दिनुहोस
सफल खबर संवाददाता
शनिबार, १५ कार्तिक २०७७, १६ : ४०
लेखकबाट थप
सम्बन्धित समाचारहरु
वामपन्थी शक्तिहरू एकता र ध्रुवीकरणको अभियानमा लामवद्ध हौं : प्रधानमन्त्री प्रचण्ड
प्रधानमन्त्रीको उपस्थितिमा १६औँ योजनाका विषयमा छलफल
गौतमबुद्ध अन्तर्राष्ट्रिय क्रिकेट रंगशालाका लागि आवश्यक बजेट उपलब्ध हुन्छ: प्रधानमन्त्री प्रचण्ड
भरतपुर आधुनिक सहरका रूपमा विकास भइरहेको छ : प्रधानमन्त्री प्रचण्ड
बालुवाटारमा प्रचण्ड, देउवा र ओलीबीच भेटवार्ता
सोच विचार गरेर नै नयाँ गठबन्धन बनाइएको हो : प्रधानमन्त्री प्रचण्ड