राष्ट्रपति भेट्दा प्रधानमन्त्री ओलीले के रोष्टर बुझाए त्यसरी ?

सफल खबर संवाददाता

बुधबार, १७ भदौ २०७७, ०९ : ४७
राष्ट्रपति भेट्दा प्रधानमन्त्री ओलीले के रोष्टर बुझाए त्यसरी ?

काठमाडौं । प्रधानमन्त्री केपी ओली मंगलवार दिउँसो राष्ट्रपति विद्यादेवी भण्डारीसँग भेटवार्ताका लागि शितल निवास पुगे । झण्डै दुई घण्टा उनले भण्डारीसँग भेटवार्ता गरे ।  बालुवाटार र शितल निवास दुवैतिरकाले यो भेटघाटलाई नियमित भेटवार्ताको रुपमा अथ्र्थाएका छन् । तर जब पार्टी र सरकारका विषयमा केही महत्वपूर्ण निर्णय प्रधानमन्त्री ओलीले चाल्न खोज्छन्, त्यसपूर्व नै ओली र भण्डारीले आपसी परामर्श गर्छन् । भण्डारी पनि आफु सम्वैधानिक हैसियतामा संविधानको पालकको रुपमा छु भन्ने बिर्सिन्छन र सत्ताको भागवन्डा, नियुक्ति, राजनीति लगायतका सबैमा प्रत्यक्ष चासो राख्छिन् । 

ओली र भण्डारीले आपसी समक्षदारीमा लगाइने टुंगो नै पछि ओलीले सत्ताको बागडोरबाट कार्यान्वयनमा ल्याउने जमर्काे गर्छन् । अहिले राष्ट्रपति विद्यादेवी भण्डारी र प्रधानमन्त्री केपी ओलीका बीचमा हुने छलफलका मुख्य पटाक्षेप यिनै हुन् । राष्ट्रपति भण्डारीको प्रत्यक्ष चासो सम्बोधन नभएसम्म सत्तासिन दल नेकपाभित्र कुनै दाल गल्ने अवस्था समेत देखिन छोडेको छ । कतिपयले भन्छन्, नेकपाभित्र दुई जना मात्र अध्यक्ष छैनन् । अर्का पनि अध्यक्ष छन, अदृश्य रुपमा उनी हुन्, राष्ट्रपति भण्डारी । 

मंगलबार पनि ओली र भण्डारी बीचको भेटवार्ता सत्तारुढ दलभित्र फेरि देखापर्न सक्ने सम्भावित संकट, मन्त्रिपरिषद् पूर्नगठन र राष्ट्रिय सभाको रिक्त एक पदमा मनोनितका विषयमा केन्द्रीत रहेर भएको सूत्रहरुको दाबी छ । ओलीले राष्ट्रिय सभामा उपाध्यक्ष बामदेव गौतम र अर्थमन्त्री रहेका युवराज खतिवडा मध्ये कसलाई रोज्ने ? गौतमले फेरि किन आफुलाई चुनौति दिने गरि फागुन १४ को निर्णय कार्यान्वयन गर्न भन्दै डटेर आए ? भन्ने सम्मका विषयमा लेखाजोखा राष्ट्रपति भण्डारीसँग बसेरै गरेको सूत्रहरु बताउँछन् । यसका अतिरिक्त उनले अब पूर्नगठन गर्ने मन्त्रीहरुमा क कसलाई कसरी ब्यवस्थापन गर्ने भन्ने सम्मको छलफल गरेको स्रोत बताउँछ ।

त्यसका लागि उनले सम्भावित हटाइने मन्त्री र थपिने मन्त्रीहरुको सूचि नै बोकेर राष्ट्रपति कँहा पुगेको र त्यही आधारमा दुई जनाले छलफल गरेको बताइन्छ । क्याबिनेट पूर्नगठन गर्दा पार्टीका अर्का अध्यक्ष प्रचण्डलाई अप्ठयारो पार्ने गरी प्रचण्ड निकट भनिएकै नेताहरुलाई आफ्नै तर्फबाट राख्ने र फाल्ने सम्मका निर्णय गर्ने गरी ओली अगाडी बढ्ने रणनीतिमा देखिएका छन् । उनले उद्योग वाणिज्य तथा आर्पूित मन्त्री लेखराज भट्ट लगायत नेतालाई दोहोराउने रणनीतिमा लागेका छन् । उनले दुई वटा मन्त्रालय फुटाउने देखि कुन नेतालाई कुन मन्त्रालय दिने सम्मको विषयमा राष्ट्रपति भण्डारीसँग छलफल गरेका निकट स्रोतहरुले बताएका छन् ।

नेकपाको १८ भदौं अर्थात भोलि सचिवालय बैठक बस्दैछ । यो बैठकबाट राष्ट्रिय सभामा अब उपाध्यक्ष गौतमलाई पठाउने या युवराज खतिवडालाई लैजाने भन्नेमा निर्णय लिनेछ । त्यस्तै अबको क्याबिनेट पूर्नगठनका विषयमा पनि चर्चा चल्ने भएको हुँदा राष्ट्रपति र प्रधानमन्त्री बीचको भेटवार्ता निक्कै अर्थपूर्ण रुपमा हेरिएको छ ।
 

प्रतिक्रिया दिनुहोस