सभामुख सापकोटाले गराए आँखाको शल्यक्रिया

काठमाडौं । सभामुख अग्निप्रसाद सापकोटाको आज आँखाको मोतियाबिन्दुको शल्यक्रिया गरिएको छ । उनको काठमाडौंस्थित तिलगंगा आँखा अस्पतालमा आँखाको शल्यक्रिया गरिएको हो ।

वरिष्ठ चिकित्सक डा सन्दुक रुइतसहितको टोलिले सभामुख सापकोटोको दायाँ आँखाको आज बिहान साढे १० बजे शल्यक्रिया गरेको हो । उपचारका क्रममा लागेको सम्पूर्ण खर्च राज्यकोषमा व्ययभार नपर्ने गरी सभामुख सापकोटा स्वयंले व्यहोरेको जनाइएको छ ।

शल्यक्रिया पछि सभामुख सापकोटा आराम गरिरहेको उनको सचिवालयले जनाएको छ । केही समययता उनको आँखामा समस्या देखिए पछि चिकित्सकहरुको सल्लाहमा आज शल्यक्रिया गरिएको हो ।