कांग्रेसमा संसदीय दल नेता चयन : गगन र विश्वप्रकाशकै मत बाझियो

काठमाडौं । कांग्रेसमा संसदीय दलका नेता चयनमा विवाद थप चुलिएको छ । पार्टी सभापति गगन थापा र उपसभापति विश्वप्रकाश शर्माकै वीचमा दल नेता कसलाई बनाउने भन्ने छनोटमा फरक फरक नेता रोजाईमा परेपछि थप विषय पेचिलो बनेको छ ।

कांग्रेसमा प्रतिनिधिसभामा ३८ सांसद छन् । झण्डै दुई तिहाईको रास्वपाको सरकार, ठूलो दल रहेको बेला कांग्रेस संसदमा प्रमुख प्रतिपक्षी दलको रुपमा रहेका छन् । प्रमुख प्रतिपक्षी दल नेता समेत कांग्रेसको हुने  र संवैधानिक परिषद्का सदस्य समेत हुने भएकाले कांग्रेसमा दल नेता बन्न नेताहरुका बीचमा रस्साकस्सी छ । 

अनुभव र सिनियरका रुपमा नेता अर्जुननरसिंह केसीले आकांक्षा राखेका थिए । तर उनी सभापति गगन थापाका ससुरा बा पनि हुन् । तर केसीलाई दल नेता बनाउँदा आफुलाई ससुरा बालाई नेता बनाएको आरोप लाग्ने देखेपछि गगन पन्छिन र ससुरा बा लाई फकाउन अनेक कोसिसमा लागेका छन् । उनले अर्जुननरसिंह केसीलाइृ फकाउन उपसभापति पुष्पा भुषालको नेतृत्वमा महामन्त्रीद्दय प्रदीप पौडेल, गुरुराज घिमिरे, प्रवक्ता देवराज चालिसे लाई दूतका रुपमा पठाएका थिए । तर पनि केसीले मानेका छैनन । 

कांग्रेसले बैशाख ४ गते दलको नेता चयन गर्ने गरी प्रक्रिया अगाडी बढाएको छ । अर्जुनरासिंह केसी, भीष्मराज आङदाम्बे, मोहन आचार्य, भरतबहादुर खड्काले दल नेतामा आकांक्षा देखाईरहेका छन् । प्रत्यक्ष चुनाव जितेका केही युवा सांसदहरुले भने निश्कल राई, बासना थापा र योगेश गौचन थकाली लाई दल नेता बनाउनु पर्ने आवाज पनि उठिरहेको छ । 

तर दल नेता चयनमा कांग्रेसका सभापति थापा र उपसभापति विश्वप्रकाश शर्माकै बीचमा पनि दल नेता कसलाई बनाउने भन्नेमा विवाद देखिएको छ ।   ‘पार्टी सभापति गगनकुमार थापा र उपसभापति विश्वप्रकाश शर्माले दल नेता कसलाई बनाउने भन्ने विषयमा फरक फरक अडानमा हुनुहुन्छ, त्यसले पनि दल नेता चयनमा ढिलाइ भएको हो’ कांग्रेसकै एक पदाधिकारीले सफलखबरसँग भने । 

सभापति थापा रसुवाका सांसद मोहन आचार्य लाई दल नेता बनाउन चाहिरहेका छन् । विश्वप्रकाश शर्मा भने भीष्मराज आङदाम्बेको पक्षमा उभिएका छन् । सेशरवहादुर देउवाको टिमबाट आङदाम्बे अहिले विशेष महाधिवेशनबाट निर्वाचित कार्यसमितिको पक्षमा संसदमै दरिलो रुपमा उभिएकोले उनलाइृ दल नेता बनाएर सन्देश दिनुपर्ने पक्षमा विश्वप्रकाश देखिएका छन् । 

गगन र विश्वले आ(आफ्नो दाबी कायम राखेका कारण पनि निर्णय लिन नसकिरहेको हो । आफुलाइृ दल नेता बन्न रोक्न आफ्नै जवई गगन देखि कांग्रेसका अहिलेको विशेष महाधिवेशन पक्षधर नेतासम्म लागेको र गगन र विश्वप्रकाशकै बीचमा पनि आ आफनो रजाई रहेको देखेपछि अर्जुनरनसिंह केसी दल नेतामा चुनाव गरेर विवादका बीच जीत निकाल्ने योजनामा जुटेका देखिन्छन् । 

शेखर कोइराला पक्ष र शेरवहादुर देउवा पक्षले पनि दल नेतामा आ आफना लाई अगडाी बढाउन खोज्ने देखेपछि केसी यो त्रिकोणात्मक शक्ति संर्घषमा बीचबाट उम्किने उपायको खोजीमा जुटिरहेका देखिन्छन् ।