चितवन । चितवनको भरतपुर महानगरपालिका वडा नं १० को मैयाँदेवी कन्या कलेजअगाडि बोराभित्र बाँधेको अवस्थामा शव फेला परेको छ । 

जिल्ला प्रहरी कार्यालय चितवनका प्रवक्ता सूर्यबहादुर थापाले बोराभित्र शव फेला परेको पुष्टि गरे । उनले जिल्ला प्रहरी कार्यालयको प्रहरी टोली शव भएको स्थान पुगिसकेको जानकारी दिए । उनले भने, ‘प्रहरीले घटनास्थल पुगेर अनुसन्धान सुरु गरिसकेको छ ।’ 

प्रहरीले बोराभित्र शव भएको हुनाले कसैले हत्या गरेर फालेको अनुमान गरेको छ ।