बझाङको पहिरोमा बेपत्ता भएका मध्ये २ जनाको शव फेला

बझाङ । बझाङको केदारस्युँ गाउँपालिका वडा ८ को मल्लेसिमामा गएको पहिरोमा बेपत्ता भएका मध्ये दुई जनाको शव फेला परेको छ । स्थानियका अनुसार  अनुहार नचिनिने अवस्थामा शव भेटिएको हो । 

बेपत्ता भएका मध्ये केदारस्यु–८ मल्लेसका ११ वर्षीय प्रयाग जेठारा र ७ वर्षीय अस्मीता जेठाराको शव फेला परेको हो । बेपत्ता थप पाँचजनाको स्थानीयले खोजी गरिरहेका छन् । घटनास्थलमा प्रहरी भने अहिलेसम्म पुग्न सकेको छैन् ।

खोला किनार भएर जानुपर्ने र खोलामा पानीको बहाव बढी भएकाले घटनास्थलमा प्रहरी पुग्न नसकेको जिल्लाको प्रहरी कार्यालय बझाङले जनाएको छ । वर्षासँगै गाउँ माथिबाट आएको पहिरोले गए राति  १७ घर बगाएको स्थानीयले बताएका छन् ।