अनिल शर्मालगायतका नेताको रिहा गर्न विप्लवको माग

काठमाडौं । विप्लव नेतृत्वको नेपाल कम्युनिस्ट पार्टीले सरकारद्वारा नियन्त्रणमा लिइएका अनिल शर्मा ‘विरही’लगायतका नेतालाई रिहा गर्न माग गरेको छ । 

नेपाल कम्युनिस्ट पार्टीका महासचिव विप्लवले विज्ञप्ति जारी गर्दै  पार्टीका केन्द्रीय सदस्य अनिल शर्मा विरही, इलाम जिल्ला इञ्चार्ज पुष्प कोइराला, चितवन जिल्ला सेक्रेटरी दुर्गा सुवेदीलगायतलाई रिहा गर्न माग गरेका हुन् ।

लिस्नुबाट लडेर घाइते भएका विरही उपचारका लागि पुरानो मेडिकल कलेज  पुग्दा अस्पतालबाटै प्रहरीले उनलाई नियन्त्रणमा लिएको थियो ।  सोही दिन नै अर्का नेता सुवेदी पनि चितवनबाट गिरफ्तारमा परेका थिए ।

कोरोना भाइरसको महामारीलाई ध्यान दिँदै पार्टीले कारबाही स्थगन गरेको अवस्थामा सरकारले आतंक र हिंसा मच्चाएको आरोप विप्लव पक्षको छ ।