प्रदेश ५ सरकारले चाल्यो मजदूरको पक्षमा कदम, मजदुरलाई गन्तव्यमा पुर्‍याउने

रासस

शनिबार, ०६ बैशाख २०७७, ०७ : ५२
प्रदेश ५ सरकारले चाल्यो मजदूरको पक्षमा कदम, मजदुरलाई गन्तव्यमा पुर्‍याउने

काठमाडौं । प्रदेश ५ सरकारले बन्दाबन्द्यीका कारण प्रदेश ५ भित्र अलपत्र परेका मजदूरलाई गन्तव्यमा  पुर्‍याउने भएको छ । लकडाउनको पालना गराउनका लागि सरकारले उनीहरुलाई खाना खुवाउँदै गन्तव्यमा  पुर्‍याउने भएको हो । 

पश्चिमी जिल्लाका मजदुरहरु बुटवल हुँदै दैनिकजसो हजारौं हिँडिरहेको देखेपछि मुख्यमन्त्री शंकर पोखरेलको मन फेरिएको छ।  बाँकी, बर्दिया, दाङ, रुकुम, रोल्पाका हजारौं मजदूर काठमाडौं, काभ्रेदेखि १० दिन लगाएर बुटवल हुँदै अगाडि बढेका छन्, जसमा बालबच्चादेखि सुत्केरीसमेत छन् । 

मुख्यमन्त्री शंकर पोखरेलले सुरक्षा निकाय र स्थानीय तहलाई प्रदेशभित्र प्रवेश गरेका नागरिकलाई अलपत्र नछाडी खानेबस्ने व्यवस्था गर्न भनेको खबर राजधानी दैनिकमा छापिएको छ ।