सातै प्रदेशका मुख्यमन्त्रीसंग कोरोनाको अवस्था र रोकथामका लागि भिडियो कन्फरेन्सबाट छलफल

काठमाडौँ । कोरोनाको प्रकोप विश्वभरि तिब्र गतिमा फैलिरहदा नेपालमा यसको संक्रमयणले महामारी नलियोस भनेर सरकारले निकै सतर्कता अपनाएको छ ।

यसै सन्दर्भमा उपप्रधान तथा रक्षामन्त्री ईश्वर पोखरेलले सातै प्रदेशका मुख्यमन्त्रीहरुसँग भिडियो कन्फरेन्समार्फत् कोभिड–१९ सङ्क्रमण रोकथाम तथा नियन्त्रणका विषयमा छलफल सुरु गर्नुभएको छ ।

कोभिड–१९ सङ्क्रमण रोकथाम तथा नियन्त्रण उच्चस्तरीय समन्वय समितिका संयोजक पोखरेलले प्रधानमन्त्रीको कार्यालय सिंहदरवारमा शुक्रबार भिडियो कन्फिरेन्समार्फत छलफल गरिरहनुभएको छ । उहाँले कोभिड–१९ सङ्क्रमण रोकथाम तथा नियन्त्रणका क्रममा प्रदेशमा देखिएका समस्या र भइरहेका तयारीबारे कुराकानी गर्नुहुनेछ ।

उहाँले उच्चस्तरीय समन्वय समितिबाट भएका निर्णय, नीति तथा कार्यक्रमका बारेमा मुख्यमन्त्रीहरुलाई जानकारी र निर्देशन समेत दिनुहुने उपप्रधानमन्त्रीको सचिवालयले जनाएको छ । सो क्रममा मुख्य मन्त्रीहरुले निकै सतर्कताका सात यसको संक्रमण फैलन नदिन थालिसकको बताएका थिए ।