काठमाडौं । सत्तारुढ दल नेकपाको केन्द्रीय समितिको बैठक पछि पहिलो पटक पार्टी सचिवालय बैठक बस्दैछ । अहिले विहान ११ वजे प्रधानमन्त्री निवास बालुवाटारमा सचिवालय बैठक बस्न लागेको हो ।
बैठकले केन्द्रीय समितिले पारित गरेको राजनीतिक प्रतिवेदनमा आएका सुझावलाई अन्तिम रुप दिने, बाँकी एकताका कामलाई टुग्गो लगाउन निर्देशन गर्ने र संगठन विभागलाई प्रदेश २ को विवाद समाधानका लागि आन्तरिक तयारीको निर्देशन दिने लगायतका विषयमा निर्णय लिनेछ ।
त्यस्तै बैठकले उपसभामुख चुनावका लागि पनि आन्तरिक छलफल गर्ने बताईएको छ । बैठकमा एमसीसी परियोजनाका विषयमा अध्ययन गर्न गठित पार्टी कार्यदलले गरेका अहिलेसम्मका अध्ययनका विषयमा पन िसामान्य परामर्श हुने बताईएको छ ।
नेकपाले पार्टीभित्र एमसीसीका विषयमा अध्ययन गर्नका लागि वरिष्ठ नेता झलनाथ खनालको संयोजकत्वमा नेताहरु भीम रावल र प्रदीप ज्ञवाली रहेको अध्ययन कार्यदल पनि बनाएको थियो ।
चीनको वुहानमा कोरेना भाइरसको त्रासवाट अत्तालिएका नेपलीहरुलाई घर फिर्ता अभियानमा ल्याउन सरकारले गरिरहेको आलटालका विषयमा पनि सचिवालय बैठकमा एजेण्डा बनेर छलफल हुन सक्ने बताईएको छ । नेकपाका एक सचिवालय सदस्यले भने, – एजेण्डा समसामायिक हुने भनिएको छ, समग्र विषयमा छलफल हुनसक्छ ।’
प्रतिक्रिया दिनुहोस
सफल खबर संवाददाता
आइतबार, २६ माघ २०७६, ०९ : ०१
लेखकबाट थप
सम्बन्धित समाचारहरु
नेकपा स्थापनाको ७५ वर्ष पूरा, आज हीरक महोत्सव
नेकपा एस महाधिवेशन तयारीः राजनीतिक तथा सुरक्षा निकाय समन्वय कमिटी गठन
दलहरूले जनतालाई झूटा आश्वासन दिन बन्द गर्नुपर्छ : रामकुमारी झाँक्री
एमालेले कात्तिक १४ गते चियापन गर्ने
आज नेकपाका संस्थापक पुष्पलालको ४५औं स्मृति दिवस मनाइँदै