नेकपामा विभिन्न गुट सक्रिय रहेको अध्यक्षद्वयद्वारा स्वीकार

सफल खबर संवाददाता

बुधबार, १५ माघ २०७६, १६ : ४१
नेकपामा विभिन्न गुट सक्रिय रहेको अध्यक्षद्वयद्वारा स्वीकार

काठमाडौं । सत्तारुढ नेपाल कम्युनिस्ट पार्टी (नेकपा) मा विभिन्न गुट सक्रिय रहेको र पार्टीभित्र अन्तर्घात र अराजकताका प्रवृत्ति कायम रहेको तथ्यलाई नेतृत्वले औपचारिक रुपमा स्वीकार गरेको छ ।

पार्टीको जारी केन्द्रीय कमिटी बैठकमा अध्यक्षद्वयले पेश गरेको राजनीतिक प्रतिवेदनमा पार्टीभित्र विभिन्न गुटहरु सक्रिय रहेको उल्लेख छ । ‘पार्टीभित्र घात, अन्तर्घात र अराजकताका प्रवृत्तिहरु कायम छ,’ राजनीतिक प्रतिवेदनमा भनिएको छ ।

पार्टी अनुशासनको स्थान गुट अनुशासनले लिने हो कि भन्ने खतरासमेत दिन प्रतिदिन बढ्दै गइरहेको जिकिर प्रतिवेदनमा गरिएको छ । ‘आलोचना, आत्मालोचना, राम्रो काम गर्नेलाई प्रोत्साहन, गल्ती गर्नेलाई दुरुत्साहन गर्नेजस्ता सजिव र गतिशील कम्युनिस्ट पार्टीका निम्ति अपरिहार्य विधि र प्रणालीको पालनाको स्तर निकै कमजोर अवस्थामा छ,’ राजनीतिक प्रतिवेदनमा भनिएको छ ।

उपरोक्त स्थितिमा सुधार ल्याउन विचार र विधिमा स्पष्टतासहित दृढ इच्छाशक्ति र सङ्कल्पका साथ अगाडि बढ्नु्को विकल्प रहेको पनि प्रतिवेदनमा औँल्याइएको छ ।

प्रतिक्रिया दिनुहोस