महानगरका सबै भूमिहीनलाई पुर्जा दिन्छौँ : दाहाल

चितवन । भरतपुर महानगरपालिका प्रमुख रेनु दाहालले महानगरका सबै भूमिहीनहरुलाई रातो पुर्जा दिने प्रतिबद्धता गर्नुभएको छ ।

नेपाल बसोबास बस्ती संरक्षण समाजको आमसभामा महानगर प्रमुख दाहालले सुकुमबासी जनताका अधिकारका लागि आफू लडेर आएको बताउनुभयो । उहाँले भन्नुभयो, ‘कानुनी प्रक्रिया पुरा गरेर महानगरका सबै भूमिहिनका हातमा रातो पुर्जा अवश्य दिन्छौँ ।’

संघीय सरकारले संसदबाट ऐन ल्याउँदै गरेकाले कानुनी जटिलता सामाधान भएपछि स्थानीय सरकारले एक सेकेण्ड पनि ढिलो नगरी पुर्जा वितरण गरिने उहाँको भनाइ थियो । ‘भूमिसम्बन्धी आठौं संशोधन विधेयक प्रतिनिधिसभाबाट स्वीकृत भएकोले वास्तविक सुकुम्बासीलाई जमिन पाउन कसैले पनि रोक्ने छैन’ उहाँले भन्नुभयो ।