नेकपाले माग्यो मुख्यमन्त्री शाहको राजीनामा

काठमाडौँ । नेपाली कम्युनिस्ट पार्टी (नेकपा)ले सुदूरपश्चिम प्रदेश सरकारलाई ‘चिरनिद्रामा’ रहेको आरोप लगाउँदै मुख्यमन्त्री कमल बहादुर शाहको राजीनामा मागेको छ।

साबिक माओवादी केन्द्र, नेकपा एकीकृत समाजवादी र नागरिक उन्मुक्ति पार्टीबीचको एकताको परिणामस्वरूप प्रदेश सभामा ठूलो दल बनेको नेकपाले बुधवार पत्रकार सम्मेलन गरी सरकारविरुद्ध १२ बुँदे अभियोग सार्वजनिक गरेको हो।

दलका नेता खगराज भट्टका अनुसार, सरकारको दोस्रो कार्यकालको आधाभन्दा बढी समय बितिसक्दा पनि प्रदेश सरकार अस्थिर, निष्क्रिय र दिशाहीन भएको छ।