अमेरिका र युक्रेनबीच मियामीमा वार्ता हुने

एजेन्सी । रुस–युक्रेन वार्ताका लागि विशेष अमेरिकी दूत स्टिभ विटकोफले युक्रेन राष्ट्रिय सुरक्षा परिषद्का प्रमुख रुस्तम उमरोभसँग मियामीमा छलफल गर्ने भएका छन् ।

यसअघि मंगलबार विटकोफले रुसी राष्ट्रपति भ्लादिमिर पुटिनसँग मस्कोमा पाँच घण्टा छलफल गरेपनि कुनै निकास निस्कन सकेन । 

सन् २०२२ देखि चलिरहेको युद्धलाई अन्त्य गर्नका लागि अमेरिकाले पछिल्लो समय रुस र युक्रेनसँग बेग्ला–बेग्लै छलफल गरिरहेको छ ।

छलफलमा रुस र युक्रेन दुबै पक्षका नेताहरुले शान्ति स्थापनाका लागि प्रतिवद्ध रहेको बताएपनि त्यसलाई व्यवहारमा उतार्न सकेका छैनन् ।

अमेरिकाले अघि सारेका शान्ति प्रस्ताव र त्यसमा गरिएको संशोधनका विषयमा पछिल्ला छलफल केन्द्रीत छन् ।