‘देश जलिरहेका बेला आरोप प्रत्यारोप होइन, सत्य र न्यायको वकालत गरौँ’: शंकर पोखरेल

काठमाडौँ । नेकपा (एमाले)का महासचिव शंकर पोखरेलले जेनजी आन्दोलनमा भएको घटनालाई लिएर आरोप प्रत्यारोप नगर्न आग्रह गरेका छन् ।

मंगलवार सामाजिक सञ्जालमार्फत महासचिव पोखरेलले राष्ट्र द्रोही काम संलग्न जोसुकै भए पनि कारबाही गर्नुपर्ने बताएका हुन् । उनले लेखेका छन् ‘लुटपाट, आगजनी र विध्वंसमा संलग्न आपराधिक जथ्थाको विरोध गर्न नसक्नेहरूले अहिले एमालेको नाम जोड्न थालेछन्! राष्ट्र द्रोही हिंसात्मक कुकर्ममा संलग्न जो कोही हुन्, सबैलाई कडा कारबाही गरौँ। देश जलिरहेको बेला आरोप प्रत्यारोप होइन, सत्य र न्यायको वकालत गरौँ ।’

उनले लुटपाट, आगजनी र विध्वंसमा संलग्न आपराधिक जथ्थाको विरोध गर्न नसक्नेहरूले अहिले एमालेको नाम जोड्न थालेको आरोप पनि लगाएका छन् ।