‘यथास्थितिको चुनावले देशमा परिवर्तन आउँदैन’ : कमल थापा

काठमाडौँ । राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापाले राज्य संरचना, शासकीय स्वरूप, निर्वाचन प्रणाली, संवैधानिक परिषद् र न्याय परिषद्सम्बन्धी व्यवस्था यथावत कायम हुने निर्वाचनको कुनै औचित्य नरहने बताएका छन् ।

राप्रपा नेपाल मकवानपुरद्वारा हेटौँडामा आयोजित अगुवा कार्यकर्ता भेलामा अध्यक्ष थापाले जेनजी युवाको चाहनाअनुसार भ्रष्टाचार र कुशासन अन्त्य गर्ने वाचा गरेर प्रधानमन्त्रीको जिम्मेवारी लिएकी सुशीला कार्कीले यही निर्वाचन प्रणाली, संवैधानिक अंगमा नियुक्ति व्यवस्था, राज्य संरचना र शासकीय स्वरूप यथावत् कायम राखेर परिवर्तनको चाहना पूरा नहुने बताएका हुन् ।

उनले भने, ‘अहिलेकै निर्वाचन प्रणाली कायम राखेर हुने चुनावपछि राजनीतिक स्थिरता कायम हुनेछ भन्ने ग्यारेन्टी प्रधानमन्त्रीले दिन सक्नुहुन्छ ?’