हार स्वीकार्दै कमल थापाले दिए रास्वपाका सस्मित पोखरेललाई बधाई

काठमाडौं । राष्ट्रिय प्रजातन्त्र पार्टी (राप्रपा) नेपालका नेता कमल थापाले प्रतिनिधिसभा निर्वाचनअन्तर्गत काठमाडाैं ५ बाट आफ्नो पराजय स्वीकार गरेका छन्। मतगणना जारी रहे पनि मतान्तर धेरै भएकाले आफूले हार स्वीकार गरेको उनको भनाइ छ।

विजयोन्मुख रास्वपाकाे समित पोखरेललाई बधाई दिँदै देशव्यापी रूपमा अभूतपूर्व जित हासिल गरेकोमा रास्वपालाई पनि बधाई तथा शुभकामना व्यक्त गरेका छन्।उनले भनेका छन्, ‘निर्वाचनमा राप्रपाका तर्फबाट काठमाडौँ क्षेत्र नं. ५ को उम्मेदवार बनेको थिएँ। मतगणना अझै जारी छ, तथापि मतान्तर धेरै भएकाले म आफ्नो हार स्वीकार गर्दछु। ’हलो’ चिन्हमा मतदान गर्नुहुने सबैमा हार्दिक कृतज्ञता व्यक्त गर्दछु। पराजयका बाबजुद सशक्त चुनावी अभियान सञ्चालन गर्ने राप्रपाका सबै साथीहरूमा हार्दिक कृतज्ञता व्यक्त गर्दछु।’