अष्ट्रेलियाद्वारा तेहरानमा रहेको आफ्नो दूतावास बन्द

एजेन्सी । अष्ट्रेलियाले इरानमा 'बिग्रँदै गएको सुरक्षा अवस्था' का कारण हाल तेहरानमा रहेको आफ्नो दूतावासको काम निलम्बन गरिएको बताएको छ।

अष्ट्रेलियाकी विदेशमन्त्री पेनी वोङले भनिन्, "वर्तमान अवस्थामा, कन्सुलर सेवाहरू प्रदान गर्ने हाम्रो क्षमता धेरै सीमित छ। हवाई क्षेत्र अझै बन्द छ।"

अष्ट्रेलियाले आफ्ना सबै अधिकारीहरू र उनीहरूका परिवारहरूलाई इरान छोड्न निर्देशन दिएको छ।

पेनी वोङले इरानको छिमेकी देश अजरबैजानमा कन्सुलर कर्मचारीहरू तैनाथ गरिएको बताइन् । 

यसैबीच इरानमा रहेका कम्तिमा १,५०० अष्ट्रेलियाली नागरिकहरू र उनीहरूका परिवारहरूले त्यहाँबाट निस्कन मद्दत मागेका छन्।