अमेरिकामा टिकटकको म्याद ७५ दिन थप, प्रतिबन्धबाट बच्न बेच्न आवश्यक

काठमाडौं। अमेरिकी राष्ट्रपति डोनाल्ड ट्रम्पले चिनियाँ सामाजिक सञ्जाल एप टिकटक बेच्ने म्याद फेरि थप गरेका छन् । अब फेरि टिकटक एप अमेरिकामा ७५ दिनभित्र बेच्नुपर्ने छ ।अमेरिकामा सेवाहरू कायम राख्न एप बेच्न आवश्यक छ नत्र यसलाई अमेरिकामा प्रतिबन्ध लगाइने बीबीसीले जनाएको छ ।

ट्रम्पले यो एप बन्द हुन नदिने बताएका छन् । यसअघि उनले टिकटकको बिक्रीमा सम्झौता भएमा चिनियाँ आयातमा लगाइएको शुल्कमा केही छुट दिन सक्ने बताएका थिए।अमेरिकामा टिकटक प्रयोगकर्ताहरूको ठूलो संख्या यसलाई प्रतिबन्धको विरुद्धमा छ ।

समाचार एजेन्सी रोयटर्सको समाचार अनुसार ट्रम्पले यसै हप्ता ट्यारिफको घोषणा गरेपछि चीनले अमेरिकामा टिकटक बिक्री गर्न नदिने संकेत गरेको छ ।