तिनकुनेमा वितण्डा मच्चएर दुर्गा प्रसाईं यसरी पुगे भारत

काठमाडौं । पूर्व पञ्चहरुलाई समेत माथ खुवाउँदै राजा फर्काउने अभियानको ‘जनकमाण्डर’ बनेका दुर्गा प्रसाईं यतिबेला फरार छन् । चैत १५ गते काठमाडौंको तिनकुनेमा लुटपाट, आगजानी, हत्या लगायतका वितण्डाको घटनाका मतियारका रुपमा प्रहरी वान्टेड सूचीमा रहेका प्रसाईं भागेर भारत पुगेका छन् ।

चैत १४ मा निर्मल निवास पुगेर पूर्व राजा ज्ञानेन्द्रसँग भेटेपछि उनी राजा फर्काउ अभियानको कथित ‘जनकमाण्डर’ बनाइएका थिए । बैंकबाट लिएको ऋण नतिरेका र विवादास्पद मेडिकल ब्यापारी प्रसाईंले त्यसपछि १५ चैतको कार्यक्रमलाई हिंसात्मक बनाउने योजना बनाए । उनले काठमाडौंको बौद्दमा केही युवाहरुको संगठित फोर्स तयार पारे । बैंकमा ऋण भएकालाई ऋण मिनाह हुने, कतियलाई रोजगारी दिलाईदिने जस्ता प्रलोभनमा पारे ।

जर्वजस्त आन्दोलन भड्काउन उनले युवाहरुलाई उक्साउने काम मात्रै गरेनन्, आफै त्यसको नेतृत्व लिए । सुरक्षामा रहेका सुरक्षाकर्मीमाथी किचौलला अझै गरेर आफै गाडी हाँकेर, गाडीभित्रै प्रचारका भोका प्रसाईंले युट्युवसम्मलाई राखेर प्रहरीमाथी गाडीले ठेल्दै स्थिती भड्काउन लगाए । प्रसाईंको योजना थियो– कार्यक्रमलाई हिंसात्मक बनाउने, लुटपाट मञ्चाउने, राज्य पूर्णतः असफल रहेको दखाउने र श्रीलंका, वंगालदेश शैलीमा नेताहरुलाई भागेर हिड्ने बनाएर कब्जा गर्ने ।

प्रसाईंको त्यस्तो दिवास्वप्न पूरा हुने अवस्था थिएन । उनले कार्यक्रमलाई हिंसात्मक बनाउन सफल भए । उनका केही लठैतहरुद्दारा लुटपाट, आगजानीसम्म पनि गराउन सफल भए । तर त्यसको घाटा राजावादीहरुलाई नै बनायो । प्रसाई आन्दोलन उक्साउन पुगेका कथित धर्मगुरु पुष्कर खतिवडासँगै काठमाडौँको तीनकुनेस्थित एउटा घरको सटरभित्र त्यसपछि लुकेका थिए। त्यतिबेला तीनकुने क्षेत्र तनावग्रस्त बनिसकेको थियो । प्रहरीले अश्रुग्याँस र हवाइ फायर गरिरहेको थियो। स्थिती अराजकतामा लैजाने र आफु सुरक्षित उम्कने योजना प्रसाईंको पहिले नै तय भईसकेको थियो ।

लगत्तै उनी कथित धर्मगुरु पुष्कर खतिवडासँगै निजी सुरक्षाकर्मी र समर्थकको आड लाग्दै बागमती प्रदेशको बीएबी ४२०८ नम्बरको स्कोर्पियो चढेर घटनास्थलबाट भागे । तिनकुनेबाट भागेका प्रसाईं र खतिवडा सिधै इमाडोलस्थित खतिवडाको घरमा गएको पैहरीले अहिले अनुसन्धानपछि बताएको छ । खतिवडाको घरमा बसेर प्रसाईंले केही बेर तिनकुनेको घटनाका बारेमा थप विवरण निकटवर्ती सँग र सञ्चारमाध्यमबाट अपडेट भए । त्यहाँ उनले फलफूल र चिया खाएपछि तिनकुने क्षेत्रमै रहेका राप्रपा नेता धवल शमशेर राणालाई फोन गरेको प्रहरीले बताएको छ ।

धबलशम्शेरलाई उनले फोनमा आन्दोलन चर्काउनुपर्छ, मौका यही हो, अब छोडनुहुन्न भन्दै टेलिफोन गरेपछि उनले आफनो मोबाइल बन्द गरेको प्रहरीको अनुसन्धानमा देखिएको प्रहरी स्रोतको भनाई छ । धबललाई फोन गरेर आफनो मोबाइल बन्द गरेपछि प्रसाईले धर्मगुरु खतिवडालाई उनकै निवासमा छोडेर आफना नीति सुरक्षागार्डसहित इमाडोलबाट प्रसाई निस्किएका थिए । त्यसपछि भने प्रसाईंले काठमाडौंमा आफु असुरक्षित हुने देखेर सिधै भाग्ने योजना बनाए । उनी त्यसपछि सिन्धुली निस्केर विराटनगर जाने बाटो समाएको प्रहरीको अनुसन्धानमा फेला परेको छ ।

उनी त्यसपछि सिधै विराटनगर हुादै झापाको काकडभित्ता पुगेर भारत छिरेका थिए । उनी चढेको गाडी बागमती प्रदेशको बीएबी ४२०८ नम्बरको स्कोर्पियोले प्रसाईलाई सिमानाका काकडभित्तासम्म लगेर छोडेको प्रहरी अनुसन्धानमा खुलेको छ । त्यसपछि भारतीय नम्बर प्लेटको अर्काे गाडी चढेर उनी भारत छिरेको र अहिले भारतमै आश्रय लिएर बसिरहेको प्रहरीले बताएको छ । उनलाई काकडभित्तासम्म लगेर छोडेको गाडी र डाइभरलाई भने अहिले प्रहरीले नियन्त्रणमा लिएको छ ।

प्रसाईलाई काकडभित्ता छोडेर उक्त गाडी प्रसाईंकै सञ्चालनमा रहेको झापाको बीएन्डसी कलेजमा प्रहरीले फेला पारेर नियन्त्रणमा लिएको थियो । प्रहरीले गाडी नियन्त्रण अगाडी प्रसाईंको छापास्थित घरमा समेत पुगेर अनुसन्धान गरेको थियो । अहिले उक्त गाडी र डाइभरलाई काठमाडौं ल्याइएको छ ।