अमेरिकामा हिमआँधीका कारण पाँच जनाको मृत्यु

वाशिङटन डीसी । अमेरिकामा चिसोले गर्दा पाँच जनाको मृत्यु भएको छ । देशका कयौं राज्यमा हिमआँधीले गर्दा कम्तिमा पाँच जनाको मृत्यु भएको बताइएको छ ।

चिसोले गर्दा विद्यालयहरू बन्द भएका छन् भने आवागमन प्रभावित भएको छ । कयौं स्थानमा बिजुली काटिएको छ । चिसोका कारण मेरील्यान्ड, भर्जिनिया, वेष्ट भर्जिनिया, कान्सास, मिसौरी, केन्टुकी र आर्कान्सस राज्यहरूले आपत्कालको घोषणा गरेका छन् ।

२ हजार ३०० भन्दा धेरै उडान रद्द भएका छन् भने ९ हजार उडानमा ढिलाइ भएको बताइएको छ । हिउँका कारण  सडक चिप्लो हुँदा सयौँ दुघर्टनाका खबर आएका छन् ।