रवि लामिछानेलाई सांसदबाट निलम्बन गर्न माग

काठमाडौं। राष्ट्रिय स्वतन्त्र पार्टी (रास्वपा)का सभापति रवि लामिछानेलाई सांसद पदबाट निलम्बन गर्न माग गरिएको छ ।​मुद्दाको अन्तिम किनारा नलाग्दासम्म उनको सांसद पद निलम्बनको माग गर्दै कास्की जिल्ला अदालतमा मुद्दा दायर भएको छ ।

सरकारी वकिल कार्यालय स्रोतबाट प्राप्त जानकारी अनुसार सम्पत्ति शुद्धीकरण (मनी लाउण्डरिङ) निवारण ऐन, २०६४ (संशोधनसहित)को दफा (२७) बमोजिम लामिछानेलाई सांसद पदबाट निलम्बन गर्न माग गरिएको हो ।

'सम्पत्ति शुद्धीकरण (मनी लाउण्डरिङ) निवारण ऐन, २०६४ (संशोधनसहित)को दफा (२७) बमोजिम निज प्रतिवादी रवि लामिछाने राष्ट्रिय स्वतन्त्र पार्टीको पार्टीको तर्फबाट चितवन जिल्ला क्षेत्र नम्बर २ को प्रत्यक्षतर्फ निर्वाचित संघीय संसदको प्रतिनिधिसभा सदस्य रहेकोमा ऐन को दफा (२२) बमोजिम मुद्दा दायर भएपश्चात सो मुद्दा किनारा नभएसम्म निज स्वतः निलम्बन हुने कानूनी व्यवस्था रहेकोमा ब्यहोरासमेत अनुरोध गरिएको छ,' अभियोगपत्रमा उल्लेख छ ।