भारतमा मोदी सरकारको तेस्रो कार्यकालको पहिलो बजेट आज

काठमाडौं। भारतीय संसद्‌को मनसुन अधिवेशन शुरू भएको छ । अर्थमन्त्री निर्मला सीतारमणले आज (मंगलबार) संसद्‌मा बजेट प्रस्तुत गर्दैछिन् ।सोमबार वित्तमन्त्री निर्मला सीतारमणले आर्थिक सर्वेक्षण २०२३-२४ प्रस्तुत गरेकी थिइन् ।

आर्थिक सर्वेक्षणमा भारतको जीडीपी २०२४-२०२५ मा करिब सात प्रतिशतको दरले बढ्न सक्ने अनुमान छ ।यससँगै आर्थिक वर्ष २०२४-२५ मा मुद्रास्फीति ४ दशमलव ५ प्रतिशतले घटेर आर्थिक वर्ष २०२५-२६ मा ४ दशमलव १ प्रतिशतमा पुग्न सक्ने आर्थिक सर्वेक्षणमा उल्लेख छ ।

बजेट अधिवेशनको पहिलो दिन प्रधानमन्त्री नरेन्द्र मोदीले ६० वर्षपछि लगातार तेस्रोपटक सरकार आएको र पहिलो बजेट प्रस्तुत गर्ने बताएका थिए ।उनले यो बजेट अमृतकालको महत्वपूर्ण बजेट भएको बताएका थिए । यो बजेटले आगामी पाँच वर्षको कामको दिशा तय गर्नेछ ।