नेप्सेमा गिरावट जारी

काठमाडौं । शेयर बजार परीसूचक नेप्सेको ओरालो यात्रा जारी छ । मंगलबार झिनो अंकले ओरालो लागेको नेप्से बुधबार दोहोरो अंकले घट्न पुग्यो । मंगलबार ०.४० अंकले घटेर २०९८.२९ को विन्दुमा पुगेको नेप्से बुधबार १०.२५ अंकले घटेर २०८८ विन्दुमा आइपुगेको छ ।

यस दिन स्कट मार्केटमा एक करोड १० लाख ४९ हजार ९४९ कित्ता शेयर किनबेच हुँदा तीन अर्ब ८९ करोड ७० लाख २२ हजार ५९८ रुपैयाँको कारोबार भयो । बुधबार बैंकिङ र म्युचुअल फण्ड उपसमूह सामान्य रुपमा बढ्दा अन्य सबै उपसमूह राताम्य देखिए । यस दिन हाइड्रोपावर, लगानी र व्यापार उपसमूहमा बढी गिरावट देखिएको छ ।