दोस्रो टी-२० खेलमा अस्ट्रेलियाविरुद्ध भारतको जित

एजेन्सी । आइतबार भएको दोस्रो टी–२० खेलमा भारतले अस्ट्रेलियालाई ४४ रनले पराजित गरेको छ।

तीन ब्याट्सम्यानको शानदार अर्धशतकको मद्दतले भारतले चार विकेटमा २३५ रन बनाएको थियो।

२३६ रनको लक्ष्य पछ्याएको अस्ट्रेलियाली टोलीका ओपनरले राम्रो सुरुवात गरे पनि पूरा टिम १९१ रनमा अलआउट भयो।

अस्ट्रेलियाका कुनै पनि ब्याट्सम्यानले ५० रन जोड्न सकेनन् । भारतका लागि प्रसाद कृष्ण र रवि बिश्नोईले ३/३ विकेट लिए।

नोभेम्बर २४ मा भएको पहिलो टी–२० खेलमा भारतले अस्ट्रेलियालाई दुई विकेटले पराजित गरेको थियो।

खेल सुरु हुनुअघि अस्ट्रेलियाले टस जितेर बलिङ रोजेको थियो । भारतका तीन ब्याट्सम्यानले उत्कृष्ट अर्धशतक बनाए ।

भारतका लागि यशस्वी जैसवालले ५३ रन, इशान किशनले ५२ र ऋतुराज गायकवाडले ५८ रनको योगदान दिए।

भारतले अन्तिम दुई ओभरमा ४५ रन बनाएको थियो भने अन्तिम सात ओभरमा १११ रन बनाएको थियो। तीव्र गतिमा खेल्दै रिंकु सिंहले ९ बलमा ३१ रन बनाए।