काठमाडौं। नेपाल टेलिकमको कूल आयमा ३ दशमलब ५४ प्रतिशतले कमी आएको छ । टेलिकमको प्रथम त्रैमासको वित्तीय विवरणअनुसार गत वर्षको यही अवधिको तुलनामा कूल आय ३ दशमलब ५४ प्रतिशतले कमी आएको हो ।
चालु आर्थिक वर्षको प्रथम त्रैमासिक अवधि (२०८० आश्विन मसान्त)सम्मको कूल आय १० अर्ब ६४ करोड ८७ लाख ९३ हजार रुपैयाँ रहेको छ । जबकी उक्त रकम गत आर्थिक वर्षको सोही अवधि (२०७९आश्विन मसान्त)मा ११ अर्ब ४ करोड ९० हजार रुपैयाँ थियो । टेलिकमको आय गत वर्षको तुलनामा ३९ करोड १२ लाख ९७ हजार रुपैयाँले कमी आएको हो ।
चालु आ.व.को प्रथम त्रैमासिकसम्मको कूल सञ्चालन आय ८ अर्ब ५८ करोड ५० लाख ६३ हजार रहेको त्रैमासको वित्तीय रिपोर्टमा उल्लेख छ । जबकि गत वर्षको सोही अवधिको कूल सञ्चालन आय ९ अर्ब ७ करोड ७५ लाख ८४ हजार थियो । सञ्चालन आयमा पनि ४९ करोड २५ लाख २१ हजार अर्थात, ५ दशमलब ४३ प्रतिशतले कमी आएको छ ।
प्रथम त्रैमासको वित्तीय विवरण टेलिकमको मुनाफामा पनि कमी आएको छ । चालु वर्षको प्रथम त्रैमासिक अवधिसम्मको खुद मुनाफा २ अर्ब २ करोड ७४ लाख ३२ हजार रहेको छ । उक्त रकम गत वर्षको सोही अवधिको खुद मुनाफाभन्दा १९ करोड ८० लाख ७४ हजार अर्थात् ८.९० प्रतिशतले कम हो ।
चालु वर्षको त्रैमासिक अवधिमा कम्पनीको प्रति शेयर आम्दानी ४५.०५ रुपैयाँ रहेको छ ।
प्रतिक्रिया दिनुहोस
सफल खबर संवाददाता
शनिबार, २५ कार्तिक २०८०, १२ : ४९
लेखकबाट थप
सम्बन्धित समाचारहरु
नेपाल टेलिकमको अफर : आकर्षक मूल्यमा भ्वाइस तथा डाटा प्याकेज
नेपाल टेलिकमले बन्द गर्यो कपर प्रविधिमा आधारित टेलिफोन सेवा, फाइबरमा स्तरोन्नति
एनटी फाइबर प्रयोग गर्दा मोबाइलमा दैनिक रुपमा डाटा प्रयोग गर्न सकिने
नेपाल टेलिकमको 'ब्रान्ड एम्बेस्डर'मा मदनकृष्ण श्रेष्ठ र हरिवंश आचार्य नियुक्त
मदनकृष्ण श्रेष्ठ र हरिवंश आचार्य नेपाल टेलिकमको ‘ब्रान्ड एम्बेसडर’ नियुक्त
नेपाल टेलिकमले गर्याे सस्तो दरमा डाटा रोमिङ सेवा सञ्चालन