काठमाडौँको गैह्रीगाउँमा हत्या गरेको अवस्थामा २ पुरुष र २ महिलाको शव फेला

काठमाडौँ । काठमाडौँको बानेश्वरस्थित गैरीगाउँमा चार जनाको शव फेला परेको छ। 

तीनकुने नजिकै गैह्रीगाउँस्थित दिव्य समिलमा हत्या गरेको अवस्थामा शनिबार बिहान दुई पुरुष र २ महिलाको शव फेला परेको प्रहरीले जनाएको छ। 

धारिलो हतियार प्रहार गरेर विभत्स ढंगले हत्या गरेको अवस्थामा शव फेला परेको उपत्यका प्रहरी कार्यालयले जानकारी दिएको छ ।

दिब्य सः मिलभित्र दोलखाका कुमार भुजेल सहित चार जनाको हत्या भएको हो । मृतकमा कुमारकी पत्नी अम्बिका भुजेल, उनकी आमा सुमित्रा भुजेल रहेका छन् । यस्तै मोरङ घर भएका नविन राईको पनि हत्या भएको प्रहरीले जनाएको छ । मृतकहरुको  टाउको र शरिरका विभिन्न भागमा चोट देखिएको छ । 

मृतकको शव पोस्टमार्टमका लागि त्रिवि शिक्षण अस्पताल पठाइएको छ ।