धारिलो हतियार प्र?हार गरी युवकको हत्या, दुई जना पक्राउ

धनगढी । कञ्चनपुरमा धारिलो हतियार प्रहार गरी युवकको हत्या गरेको आरोपमा प्रहरीले दुई जनालाई पक्राउ गरेको छ ।

पुनर्वास नगरपालिका–५ भानुबस्तीमा १८ वर्षीय उज्जल सायर माथि धारिलो हतियार प्रहार गरी हत्या गरेको आरोपमा उनीहरु पक्राउ परेका हुन्।

पुनर्वास नगरपालिका–५ कै २५ वर्षीय धनबहादुर बयाडी र १९ वर्षीय टंक थापालाई प्रहरीले पक्राउ गरेको जनाएको छ। उनीहरुले दाइ नाता पर्ने नरेश खातीको विवाह समारोहमा सहभागी भएका बेला सायरलाई चक्कु प्रहार गरी गम्भीर घाइते बनाएका थिए।

घाइते सायरलाई उपचारका लागि धनगढीको मायामेट्रो अस्पताल, धनगढी ल्याइएको थियो। उपचारकै क्रममा उनको मृत्यु भएको थियो। घटनाबारे प्रहरीले थप अनुसन्धान गरिरहेको छ।