काठमाडौँ । विश्वकप छनोटका लागि दक्षिण अफ्रिकामा अभ्यासका लागि पुगेको नेपाली राष्ट्रिय क्रिकेट टिमले बिहीबार आफ्नो पहिलो अभ्यास खेल स्कटल्याण्डसँग खेल्दैछ।
खेल आज मध्यान्ह १२ः४५ बजेबाट सुरु हुनेछ। यसअघि नेपालले घरेलु मैदानमा भएको विश्वकप लिग २ को खेलमा स्कटल्याण्डलाई पराजित गरेको थियो।
जिम्बावेमा आगामी १८ जुनदेखि १९ जुलाईसम्म हुने छनोट प्रतियोगिताका लागि क्यानले प्रारम्भिक टिमको घोषणा गरेको हो।
नेपालले गत चैतमा सम्पन्न लिग २ श्रृंखलाको शीर्ष तीनमा रहँदै सोझै विश्वकप छनोटमा स्थान बनाएको थियो। जिम्बाबेमा हुने छनोट प्रतियोगितामा नेपालसहित ८ टिमको सहभागिता रहनेछ।
समूह ‘ए’ मा नेपाल, वेस्ट इन्डिज, अमेरिका, नेदरल्यान्ड्स र जिम्बावे छन्।
समूह ‘बी’मा आयरल्याण्ड, ओमान, स्कटल्याण्ड, श्रीलंका र युनाइटेड अरब इमिरेट्स (युएई) छन्। प्रत्येक समूहबाट शीर्ष तीन टिमले सुपर सिक्समा स्थान बनाउनेछन्। प्रतियोगिबाट दुई टिमले विश्वकप स्थान बनाउनेछन्।
विश्वकप खेल्ने नेपाली टिमः
रोहितकुमार पौडेल(कप्तान), कुशल भुर्तेल, आसिफ शेख, ज्ञानेन्द्र मल्ल, कुशल मल्ल, आरिफ शेख, दीपेन्द्रसिंह ऐरी, गुलशन झा, सोमपाल कामी, करण केसी, सन्दीप लामिछाने, भीम सार्की, प्रतिश जिसी, ललित राजवंशी, अर्जुन साउद र किशोर महत्तो
प्रतिक्रिया दिनुहोस
सफल खबर संवाददाता
विहीबार, २५ जेठ २०८०, ०९ : ४८
लेखकबाट थप
सम्बन्धित समाचारहरु
क्रिकेटः मलेसियाविरुद्ध टस हारेर बलिङ गर्दै नेपाल
आयरल्याण्ड ‘ए’विरुद्ध नेपालको उत्कृष्ट शुरूआत
आयरल्यान्ड 'ए'विरुद्ध नेपालले पहिला ब्याटिङ गर्ने
वीरेन्द्रनगरमा क्रिकेट रङ्गशाला र देउडा पार्क निर्माण सुरु
नेपाल र हङकङले आज मैत्रीपूर्ण क्रिकेट खेल्ने
नेपाल ए ले दियो क्यानडा-११ लाई १८२ रनको लक्ष्य