एमाले संसद विघटनको दाउमा छः माधव नेपाल

काठमाडौं । नेकपा (एकीकृत समाजवादी) पार्टीका अध्यक्ष माधव कुमार नेपालले नेकपा एमाले संसद विघटनको दाउमा रहेको आरोप लगाएका छन ।

बुधबार सुनसरीको इनरुवामा सञ्चारकर्मीहरुसँगको भेटमा उनले यस्तो आरोप लगाएका हुन । एमाले संसद विघटन गरेर मध्यावधि निर्वाचनमा जाने दाउमा रहेको उनले आरोप लगाए । अध्यक्ष नेपालले एमालेको सोचलाई पूरा हुन नदिने बताए । उनले संविधान मिच्ने कुरालाई आफूले समर्थन गर्न नसक्ने बताए ।

उनले एमालेसँगको एकताको सम्भावनाका बारेमा नेपालले मन र विचार मिल्नेहरुसँग बहस र छलफल गर्न तयार रहेपनि एमालेका अध्यक्ष केपी शर्मा ओलीसँग भने त्यस एकताको सम्भावना नरहेको बताए । उनले केही व्यक्तिले पार्टी छाडेको र विचार मिल्ने बारे धारणा राख्नुलाई व्यक्तिगत निर्णयको विषय भएको बताए ।

पार्टी छोड्नु र प्रवेश गर्नु नियमति प्रकृया रहेको पनि अध्यक्ष नेपाले बताए।