काठमाडौँ । राप्रपा नेपालले २०७८ सालको जनगणनामा हिन्दु, बौद्ध र किराँत धर्मावलम्वीहरुको संख्या घटेको भन्दै सत्यतथ्य सार्वजनिक गर्न सरकारसँग माग गरेको छ । पार्टी अध्यक्ष कमल थापाले बुधबार विज्ञप्ति जारी गर्दै सनातन धर्म हिन्दु, बौद्ध र किराँत संस्कृति र परम्परा कमजोर हुँदै गएको बताए ।
उनले लोभलालच, प्रलोभन, भ्रम र त्रास सिर्जना गरी योजनाबद्ध र संगठितरुपमा धर्म परिवर्तन गराउने काम भइरहेको उल्लेख गरेका छन् । 'धर्मनिरपेक्षताको आडमा धर्म परिवर्तन गर्न गराउन पश्चिमा मुलुकहरूले करोडौं डलर लगानी गरिरहेका छन् । केही प्रमुख दलहरूले धर्म परिवर्तनलाई संरक्षण प्रदान गरिरहेका छन् । राष्ट्रको पहिचान र एकताको आधार कमजोर बनाउने षड्यन्त्र भइरहँदा नागरिक समाज, बुद्धिजीवी वर्ग र आमसञ्चार माध्यमहरू उदासीन रहनु उदेकलाग्दो छ', उनले भने', सनातन धर्म संस्कृति र परम्पराको रक्षाका निम्ति अब संघर्षमा उत्रनु बाहेक अर्को विकल्प छैन।
सनातन धर्म संस्कृतिका पक्षधरलाई संयुक्त र एकताबद्ध संघर्षको तयारीमा जुट्न राप्रपा नेपालले आह्वान गरेको छ ।
प्रतिक्रिया दिनुहोस
सफल खबर संवाददाता
बुधबार, १५ चैत्र २०७९, १९ : १३
लेखकबाट थप
सम्बन्धित समाचारहरु
राप्रपासँग एकता गर्ने सोच छैन : कमल थापा
'भ्रष्ट व्यवस्था' अन्त्यको माग गर्दै राप्रपा नेपालको प्रदर्शन, स्थिति तनावग्रस्त (तस्वीरहरू)
राप्रपा नेपालको विरोध प्रदर्शन आज
पूर्वमन्त्री दुर्गा श्रेष्ठ राप्रपा नेपालमा प्रवेश
राप्रपा नेपालको कार्य सम्पादन समितिको बैठक बस्दै
राप्रपा नेपालले चैत १ गते काठमाडौँमा वृहत् प्रदर्शन गर्ने