भरतपुर महानगरद्वारा बालगृह तथा अनुसन्धान संस्थाहरुको अनुगमन

चितवन। भरतपुर महानगरपालिकाले महानगर भित्र सन्चालनमा रहेका विभिन्न बालगृह तथा अनुसन्धान सस्थाहरुको अनुगमन गरेको छ । महानगरका नगर उप प्रमुख चित्रसेन अधिकारीको सयोजकत्वमा अनुगमनमा गएको टोलिले सन्चालनमा रहेका तर अनुमति नपाएका विभिन्न बालगृह तथा अनुसन्धान सस्थाहरुको स्थलगत अनुगमन गरेको हो ।

भरतपुर ८ मा रहेको एस ओ एस बालग्राम नेपाल, भरतपुर १२ मा रहेको मुक्ति बालगृह तथा ज्योति बालगृह र भरतपुर १५ फुलवारीमा रहेकोे सामाजिक तथा वातावरणीय अनुसन्धान सस्था नेपालको स्थलगत अनुगमन गरिएको उप प्रमुख अधिकारीले बताए। अनुगमन पश्वात संचारकर्मीहरुलाइ प्रतिक्रिया दिदै उपप्रमुख एवं बालगृह अनुगमन समितिका सयोजक चित्रसेन अधिकारीले बालगृह सन्चालकहरुलाइ मापदण्ड पुर्‍याएर मात्रै बालगृह सन्चालन गर्न निर्देशन दिइएको प्रष्ट पारे। कुनै पनि बालगृह बिना मापदण्ड सन्चालन गरेको पाइएमा महानगर कारबाही गर्न पछाडि पर्दैन उप प्रमुखले भने समयमै सुध्रिएर आउन पनि म सबैमा आग्रह गर्द्छु ।

हामी कुनै पनि समयमा तपाईहरुको सस्थामा अनुगमन गर्न आउन सक्छौ उनले भने, त्यतिबेला मापदण्डअनुसार सन्चालन गरेको नपाइए कडा कारबाही हुन्छ । आज हामीले एस ओ एस बालग्राम नेपाल, मुक्ति बालगृह तथा ज्योति बालगृह र सामाजिक तथा वातावरणीय अनुसन्धान सस्था नेपालको स्थलगत अनुगमन गर्यौ र यी तिनै सस्थाहरु महानगरको मापदण्डअनुसार सन्चालन भएको पनि पाइयो उनले भने, अब हामी यी तिनै वटा सस्थाहरुलाई सन्चालनको अनुमती प्रदान गर्छौ ।

बालगृह सन्चालन गर्न भौतिक सरचना, खानपान, सरसफाइ, खेलमैदान, आयाहरु, समय समयमा स्वास्थ्य परिक्षण लगाएतका थुप्रै मापदण्डहरु पूरा गरेको हुनुपर्छ ।नेपालमा बाल सरक्षणको अवस्था निकै दयनीय र भयाबह रहेको पाइन्छ । हाल नेपालमा ४० जिल्लामा रहेका ४ सय ५० बालगृहमा १२ हजार बालबालिकाहरुले आश्रय लिइरहेका छन । जस मध्ये ८० प्रतिशत भन्दा बढी बालबालिकाहरु अभिभावक सहितका देखिन्छन् ।

भरतपुर महानगरका प्रमुख प्रशासकीय अधिकृत नरेन्द्र कुमार रानाले सन्चालनमा रहेका सबै बालगृहहरुमा निरन्तर अनुगमनको खाचो रहेको प्रष्ट पारे। हामीले बालगृहहरुको निरन्तर अनुगमन गरिरहेका छौ अधिकृत रानाले भन्नू भयो, छड्के अनुगमन गर्दा कमिकमजोरी पाइएमा कामकारबाही हुन्छ ।

स्वास्थ्य तथा सामाजिक बिकास महाशाखा प्रमुख शान्ता कुमारी पौडेलले महानगर भित्र हाल २३ वटा बालगृहहरु सन्चालनमा रहेको बताइन्। पौडेलका अनुसार २३ वटा बालगृहमा सरक्षित बालबालिकाको सख्या ६ सय ७८ रहेको छ । जस मध्ये बालक २ सय ९६ जना अर्थात ४३ दशमलव ६६ प्रतिशत र बालिका ३ सय ४२ जना अर्थात ५६ दशमलव ३४ प्रतिशत रहेको छ । उनले बालगृह सन्चालन गर्न कम्तीमा पनि २० जना पुग्नु पर्ने प्राबधान रहेको समेत प्रष्ट पारिन् ।

राष्ट्रिय बाल अधिकार परिषद्का अनुसार नेपालमा काठमाडौ र भरतपुरमा सबै भन्दा बढी बालगृहहरु सन्चालनमा रहेका छन । परिषद्का सदस्य सचिब इन्द्रा देवि ढकालका अनुसार चितवनका बालगृहहरु उत्कृष्ट श्रेणी मा पर्ने गरेका छन । चितवनमा केन्द्रको निरन्तर निगरानी भइरहेको बताउदै उनले सघिय र प्रदेश सरकारको सहयोगमा स्थानीय सरकारले बालगृहहरुको अनुगमन तथा रेखदेख गरिरहेको बताए।

यस अघि गत असार महिनामा भरतपुर महानगरपालिकाले पश्चिम चितवनका विभिन्न बालगृहहरुको अनुगमन तथा निरीक्षण गरेको थियो । स्थानीय तहले स्थानीय स्तरमा बालगृह सन्चालन गर्न सिफारिस गरे पछि मात्रै राष्ट्रिय बालअधिकार परिषद्ले अनुमति दिने कार्यब्यबस्था रहेको छ ।