काठमाडौँ । नेपाल टेलिकमको नेटवर्कमा फोन सम्पर्कमा समस्या देखिएको छ । जसका कारण लाखौँ सेवाग्राहीले सास्ती खेप्नु परेको छ । नेपाल टेलिकमका प्रवक्ता शोभन अधिकारीले भीओएलटीई सेवामा समस्या देखिएकोले केही समय डिस्टर्व भएको बताए । ‘टुजी, थ्रीजी, फोरजीमा समस्या छैन तर भीओएलटीईको कोरमा केही समस्या देखिँदा फोन नलाग्ने समस्या देखिएको छ, हामीले समाधान गरिसकेका छौँ,’ अधिकारीले भने ।
मोबाइलमा भीओएलटीई चलाइरहेकाहरुकोमा मात्र यसबाट प्रभावित भएको अधिकारीको भनाइ छ । पौने १० बजेदेखि ४० मिनेट जति समस्या देखिएको प्रवक्ता अधिकारीले बताए पनि सेवाग्राहीहरूले भने बिहानैदेखि मोबाइल नम्बरमा सम्पर्क नहुने समस्या देखिएको गुनासो गरेका छन् ।
विश्व दूरसञ्चार दिवसको अवसर पारेर २०७८ जेठदेखि नेपाल टेलिकमले फोरजीमा आधारित भ्वाइस ओभर(भीओ) एलटिई सेवाको परीक्षण सुरु गर्दै मोबाइलमा हाई डेफिनेसन(एचडी) भ्वाइससहित ग्राहकहरूले सेवामा गुणस्तर थपिएको महसुस गर्न सक्ने नेपाल टेलिकमको दाबी थियो ।
नेपाल टेलिकमको सेवामा पटक–पटक समस्या आउँदा सेवाग्राही मर्कामा परेका छन् । उपकरणदेखि जनशक्ति व्यवस्थापनसम्ममा देखिएको चरम लापरबाहीकै कारण संस्थाले यस्तो समस्या व्यहोरिईरहेको र नेतृत्वले समस्याको दीर्घकालीन समाधानमा चासो नदिँदा फेरी कुन बेला के हुने हो भन्न नसकिने टेलिकमका अधिकारीहरूको भनाई छ ।
प्रतिक्रिया दिनुहोस
सफल खबर संवाददाता
बुधबार, ०८ चैत्र २०७९, ११ : ३२
लेखकबाट थप
सम्बन्धित समाचारहरु
नेपाल टेलिकमको अफर : आकर्षक मूल्यमा भ्वाइस तथा डाटा प्याकेज
नेपाल टेलिकमले बन्द गर्यो कपर प्रविधिमा आधारित टेलिफोन सेवा, फाइबरमा स्तरोन्नति
एनटी फाइबर प्रयोग गर्दा मोबाइलमा दैनिक रुपमा डाटा प्रयोग गर्न सकिने
नेपाल टेलिकमको 'ब्रान्ड एम्बेस्डर'मा मदनकृष्ण श्रेष्ठ र हरिवंश आचार्य नियुक्त
मदनकृष्ण श्रेष्ठ र हरिवंश आचार्य नेपाल टेलिकमको ‘ब्रान्ड एम्बेसडर’ नियुक्त
नेपाल टेलिकमले गर्याे सस्तो दरमा डाटा रोमिङ सेवा सञ्चालन