बढ्यो सुनको मूल्य, कतिमा हुँदैछ कारोबार ?

काठमाडौँ । केही दिन ओरालो लागेको सुनको मूल्य आज पुनः उकालो लागेको छ ।

नेपाल सुनचाँदी व्यवसायी महासंघका अनुसार आज छापावाला सुन तोलामा पाँच सय रुपैंयाँले बढेको हो । आज सुन प्रतितोला एक लाख छ हजार तीन सयमा कारोबार भइरहेको छ ।

मंगलबार प्रतितोला एक लाख पाँच हजार आठ सयमा कारोबार भएको महासंघले बताएको छ । यस्तै आज तेजाबी सुनको मूल्य समेत तोलामा ५ सय रुपैयाँले नै बढ्दै १ लाख ५ हजार ८ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

चाँदीको मूल्य भने अघिल्लो दिनको मूल्यमा ५ रुपैयाँले मात्रै बढ्दै आज प्रतितोला १ हजार ३ सय ७० रुपैयाँमा कारोबार भइरहेको छ ।