दाउरा प्रहार गरी बुहारीको हत्या गरेको आरोपमा ससुरा पक्राउ

म्याग्दी । म्याग्दीमा बुहारीको हत्या गरेको आरोपमा ससुरा पक्राउ परेका छन् ।

जिल्लाकाे धौलागिरी गाउँपालिका- ३ की २८ वर्षीया अनिता रानाको हत्या आरोपमा उनका ५३ वर्षीय ससुरा इन्द्रबहादुर भण्डारी पक्राउ परेका हुन्।

भण्डारीले सामान्य विवादमा दाउराको चिर्पटले बुहारी अनिताको टाउकोमा प्रहार गरेकाे खुल्न आएकाे हाे।

प्रहरीका अनुसार गम्भीर घाइते भएकी अनिताको बेनी अस्पतालमा उपचारका क्रममा मृत्यु भएको हो।

घटनासम्बन्धमा प्रहरीले थप अनुसन्धान गरिरहेको जानकारी दिएको छ।