मौन अवधिमा ईश्वर पोखरेलले थाले चलखेल, नगर अध्यक्षसहित पैसा बाँड्न सक्रिय टोली पक्राउ

काठमाडौं । मौन अवधिमा मत प्रभावित पार्न चलखेल गरेको आरोपमा प्रहरीले काठमाडौं क्षेत्र नम्बर ५ बाट एमालेका कार्यकर्तालाई पक्राउ गरेको छ। पक्राउ पर्नेमा बूढानीलकण्ठ नगरपालिकाका एमाले अध्यक्षसहितका कार्यकर्ताहरु रहेको छ । 

बूढानीलकण्ठ नगरपालिका ६ मा एमालेका कार्यकर्ताले मत प्रभावित गर्न पैसा बाँड्न लाग्दै गर्दा उनीहरुलाई प्रहरीले शुक्रबार राति पक्राउ गरेको हो ।काठमाडौं ५ मा एमालेका वरिष्ठ उपाध्यक्ष ईश्वर पोखरेल उम्मेदवार रहेका छन् । उनीहरुमाथि अनुसन्धान भइरहेको जिल्ला प्रहरी परिसर काठमाडौंले जनाएको छ।