भारतीय वातावरण मन्त्रीको आरोप : आम आद्मीले दिल्लीलाई ग्यास च्याम्बर बनायो

एजेन्सी । भारतका केन्द्रीय वातावरण मन्त्री नयाँ दिल्ली ग्यास च्याम्बर बनेको भन्दै आम आद्मी पार्टी सरकार र मुख्यमन्त्री अरबिन्द केजरीवालको आलोचना गरेका छन् । केजरीवालको आम आद्मी पार्टीको आलोचना गर्दै केन्द्रीय मन्त्री भूपेन्द्र यादवले पार्टीले राजधानीलाई “ग्यास च्याम्बर“ मा परिणत गरेको आरोप लगाएका हुन् ।

आजसम्म आम आद्मीको सरकार रहेको पञ्जाबले २०२१ मा खेतीमा आगलागीमा १९५ वृद्धि देखेको छ। हरियाणामा ३०.६५ गिरावट आएको छ। आज मात्र पञ्जाबले ३,६३४ आगो देखेको छ। यसमा कुनै शङ्का छैन। दिल्लीलाई ग्यास च्याम्बरमा परिणत गरेको छु, यादवले ट्वीट गरेका छन् ।
पार्टीले विभिन्न घोटला गरेको उनले आरोप लगाए । 

हरेक वर्षको हिउँद सुरु भएसँगै भारतका विभिन्न भागलाई प्रदूषणले ढाक्ने गरेको छ । किसानले धानका ठुटा पोल्ने परम्परा, यातायातका साधनबाट निस्किने धुवाँ, कारखानाबाट हुने उत्सर्जनलगायतका कारण वायु प्रदूषण बढ्ने गरेको छ।  प्रदूषणबाट सबैभन्दा प्रभावित देशहरूमध्ये भारत पनि एक रहेको विभिन्न अध्ययनले देखाएका छन् ।