विराटनगर । मोरङको रंगेली नगरपालिकाको बिर्ता बजारस्थित एक घरमा भएको आगलागीमा परी एक महिलाको मृत्यु भएको छ । गएराति भएको आगलागीमा परी ३३ वर्षीया बबिता मण्डलको मृत्यु भएको जिल्ला प्रहरी कार्यालय मोरङले जनाएको छ ।
गम्भीर घाइते बबिताको उपचारका क्रममा आज बिहान ६ बजेतिर विराटनगरको कोसी अस्पतालमा मृत्यु हो । तर, प्रहरीले घटनालाई शंकास्पद मानेर अनुसन्धान थालेको छ । बबितालाई उनकै श्रीमानले घरमा थुनेर आगो लगाएको हुनसक्ने प्रहरीको आशंका छ । सोधपुछका लागि प्रहरीले बबिताका श्रीमान २३ वर्षीय तिल्का मल्लिकलाई पक्राउ गरेको छ ।
जिल्ला प्रहरी कार्यालय मोरङका प्रवक्ता प्रहरी नायव उपरीक्षक (डीएसपी) दिपक श्रेष्ठले हाल घटनाबारे अनुसन्धान थालिएको जानकारी दिए । पक्राउ परेका तिल्काले खाना खाने समय राति १० बजेतिर पत्नीसँग विवाद भएको बताएका छन् ।
सोही क्रममा एक्कासि घरमा आगो लागेको देखिएकाले प्रहरीले अनुसन्धान थालेको हो । आगो निभाउनुको साटो तिल्का केही पर भागेकाले पनि घटना शंकास्पद देखिएको डीएसपी श्रेष्ठले बताए । आफ्ना दाजु जगदीशको मृत्यु भएपछि तिल्काले नातामा भाउजू पर्ने बबितासँग पाँच वर्षअघि विवाह गरेका थिए ।
प्रतिक्रिया दिनुहोस
सफल खबर संवाददाता
शनिबार, १८ असार २०७९, १० : ५५
लेखकबाट थप
सम्बन्धित समाचारहरु
मटिहानी आगलागी ६ घण्टापछि नियन्त्रण, सय घर जलेर सखाप
बिहे घरमा आगलागी हुँदा दुई जना घाइते, ६ लाखको क्षति
तनहुँका २३ सामुदायिक वनमा लागेको डढेलो नियन्त्रणमा
बागलुङमा ३८ वनमा आगलागी: १५ वनको आगो नियन्त्रण बाहिर
धादिङमा गुड्दै गरेको ट्रकमा आगलागी
वीरगञ्जको अलौमा सात घर जले, ५४ लाखको क्षति