झापामा बोराभित्र पुरुषको शव भेटियो

सफल खबर संवाददाता

सोमबार, १३ असार २०७९, ११ : ३४
झापामा बोराभित्र पुरुषको शव भेटियो

झापा । झापामा एकजना पुरुषको शव बोराभित्र रहेको अवस्थामा फेला परेको छ । को अर्जुनधारा–४ बोराको मुख सिलाएको अवस्थामा शव भेटिएपछि हत्या आशंका गरिएको इलाका प्रहरी कार्यालय अनारमनीका प्रमुख डीएसपी रुगम कुँवरले जानकारी दिए । 

उनको पहिचान हुन सकेको छैन । मृत भेटिएका व्यक्तिको टाउकोमा चोट देखिएको प्रहरीले जनाएको छ । उक्त शव कल्भर्टभित्र भेटिएको थियो । स्थानीयले खबर गरेपछि आइतबार साँझ प्रहरीले हेर्दा शव फेला परेको हो ।

उनको दुवै कुममा ‘आरएन’ लेखिएको ट्याटु देखिएको डीएसपी कुँवरले जानकारी दिए । शवलाई पोष्टमार्टमका लागि बीपी कोइराला स्वास्थ्य विज्ञान प्रतिष्ठान धरान पठाइएको प्रहरीले जनाएको छ ।  

प्रतिक्रिया दिनुहोस