भरतपुर महानगर अपडेट : रेनु दाहालको ८२१ मतले अग्रता

 चितवन । भरतपुर महानगरपालिका प्रमुख पदमा सत्तारुढ गठबन्धनकी उम्मेदवार रेनु दाहालले फराकिलो अन्तरले अग्रता कायम राख्न सफल हुँदै गएकी छिन् । 

पछिल्लो मत परिणाम अनुसार २३ हजार ५८५ मत गणना हुँदा रेनुले ८ हजार २६९ मत पाएकी छन् । ८२१ मतको अन्तरले उनी अग्रस्थानमा छिन् ।
यस्तै, नेकपा एमालेका उम्मेदवार विजय सुवेदीले ७ हजार ४४८ मत पाएका छन् । अर्का  प्रमुख पदका स्वतन्त्र उम्मेदवार जगन्नाथ पौडेलले ३ हजार ८५८ मत पाएका छन् ।

उपप्रमुख पदमा भने नेपाली काँग्रेसका चित्रसेन अधिकारी ९ हजार ९३८ मतका साथ अग्रस्थानमा छन् । अर्का प्रतिष्पर्धी राप्रपाकी हिमला गुरुङले ६ हजार १४३ मत पाएकी छन् । त्यस्तै जारी गणनामा ६ नम्बर वडाको वडाध्यक्षमा काँग्रेस उम्मेदवार कृष्णलाल श्रेष्ठले ८२० मत ल्याई अग्रस्थानमा छन् भने एमालेका उम्मेदवार डोल नारायण अधिकारीले ६७३ मतले पछ्याईरहेका छन् ।