प्रधानमन्त्री र नेकपाका महासचिव विप्लवबीच भेटवार्ता

काठमाडौं । प्रधानमन्त्री शेरबहादुर देउवा र नेकपाका महासचिव नेत्र विक्रम चन्द विप्लवबीच शुक्रबार भेटवार्ता भएको छ । प्रधानमन्त्री निवास बालुवाटारमा विप्लव देउवा भेट्न पुगेका हुन् । 

सो क्रममा सरकार र नेकपा बीच भएको ३ बुँदे सहमतिको कार्यान्वयन र बन्दी नेता कार्यकर्ता रिहा वारे छलफल भएको थियो । 

भेटमा देउवाले माग पूरा गर्न सरकार प्रतिबद्ध रहेको बताउँदै जारी प्रदर्शन शान्तिपूर्ण बनाउन आग्रह गरेको बालुवाटार स्रोतले जनाएको छ । 

भेटमा गृह मन्त्री बालकृष्ण खाँण, कानुनमन्त्री दिलेन्द्र प्रसाद बडु लगायतको पनि सहभागिता थियो भने नेकपाबाट प्रवक्ता प्रकाण्ड पनि सहभागी थिए ।