काठमाडौंमा एक जोडी युवक युवती मृत अवस्थामा फेला

काठमाडौं । काठमाडौमा लिभिङ टुगेदर बसेका एक युवक र युवती  मृत भेटिएका छन् । संखुवासभा घर भएका २६ वर्षीय अमिश जिमि र खोटाङ घर भएकी युसिना राई कपनमा मृत अवस्थामा भेटिएका हुन् । 

कपनको शिवजी चोकस्थित केटाको ठूलीआमाको घरको कोठामा उनीहरु मृत भेटिएका हुन् । युवतीको शरिरमा धारिलो चक्कुले रोपेको धेरै चोट देखिएको छ । केटाको घाँटीमा चक्कुले रेटेको चोट छ ।

गएराति साढे १२ बजे खबर पाएर प्रहरी घटनास्थलमा पुगेको थियो । घटनास्थलमा पुग्दा युवती नग्न अवस्थामा पल्टिरहेकी थिइन् । अमिश अर्धनग्न अवस्थामा पल्टिएको र ढुक्ढुकी भएको पाएपछि प्रहरीले उनलाई  अस्पतालमा ल्याएका थिए । तर, अस्पतालमा उनको मृत्यु भयो ।