नेपाल टेलिकमको निमित्त प्रबन्ध निर्देशकमा वैद्य नियुक्त

काठमाडौं । नेपाल दूरसञ्चार कम्पनी लिमिटेड (नेपाल टेलिकम) को निमित्त प्रबन्ध निर्देशकमा कम्पनीका नायब प्रबन्ध निर्देशक प्रतिभा वैद्य नियुक्त भएकी छन्। 

सञ्चार तथा सूचना प्रविधि मन्त्रालयबाट प्रबन्ध निर्देशकको पदका लागि दरखास्त आह्वान भएपनि हाल सो प्रक्रिया सम्पन्न हुन सकेन। त्यसैले मन्त्रालयको पत्रानुसार वैद्यलाई प्रबन्ध निर्देशक तोकिएको हो।

वैद्यले कम्पनीको नायब प्रबन्ध निर्देशकको रुपमा प्रमुख प्राविधिक अधिकृतको कार्यभार सम्हाल्दै आएकी थिइन्। मंगलबारदेखि भने निमित्त प्रबन्ध निर्देशकको जिम्मेवारी सम्हाल्दै छन्।